Борбор калаанын милициясынын ыкчам кызматкерлери унаа уурдоого шектүүнү кармашты. Бул тууралуу Бишкек шаарынын Ленин райондук ички иштер башкармалыгынын басма сөз кызматы билдирди.
«Милицияга арыз менен кайрылган жабырлануучу 3-декабрь күнү түштөн кийин Сухомлинов көчөсүндөгү үйүнүн короосунан «Хонда-Одиссей» үлгүсүндөгү унаасын уурдап кетишкенин айткан. Уурулук фактысы боюнча кылмыш иши козголду», — деп айтылат маалыматта.
Ленин райондук ички иштер башкармалыгынын шаардык милициясынын экинчи бөлүмүнүн ыкчам кызматкерлери 40 жаштагы шектүүнү таап, кармашкан. Ленин райондук сотунун чечими менен шектүү СИЗО-1ге 20 суткага камакка алынды. Уурдалган унаа Ленин районунун аймагынан табылып, ээсине кайтарылып берилди.