Бишкекте уурулук жасоого шектүү аял кармалды. Бул тууралуу Ленин райондук милициясынан билдиришти.
Маалыматка караганда, 14-августта милицияга Б.А. аттуу жаран кайрылып, ошол эле күнү Турусбеков көчөсүндөгү үйдөн Д. аттуу чала тааныш аял 400 доллар, 6 миң сом акчасын (жалпы 468 доллар) жана iPhone 11 Pro телефонун уурдап кеткенин билдирген.
Аталган фактыга байланыштуу Кылмыш-жаза кодексинин 205-беренеси (уурдоо) боюнча кылмыш иши козголгон.
Ыкчам-тергөө иштеринин натыйжасында шектүү катары 27 жаштагы К.Д. аттуу шектүү кармалып, убактылуу кармоочу жайга камакка алынган.
Учурда иликтөө иштери уланууда.
Биздин Телеграм каналга катталыңыз