Бишкекте көп кабаттуу үйлөрдүн биринде аялдын жансыз денеси табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, Свердлов районунда 21-июнь күнү саат 11:00до Чыгыш-5 кичи районунун 29-үйүнүн батиринде үйдүн ээси эшигин ачпай жатат деген билдирүү түшкөн.
ӨКМнин Бишкек шаардык башкармалыгынын Куткаруу кызматынын куткаруучулары барып, милиция кызматкерлеринин катышуусунда эшикти ачып беришти, батирдин ичинен 1973-жылы туулган кишинин сөөгү табылган. Анын жансыз денесин милиция кызматкерлерине өткөзүп берилген.