Бишкектеги Ленин райондук №2 милиция бөлүмүнөн 1970-жылы туулган Турдубеков Бакыт Ташполотович качып кетти. Бул тууралуу аталган райондук милициядан кабарлашты.
Маалыматта айтылгандай, качып кеткен, адам уурулук боюнча шектүү катары кармалган. 3-июнда болжол менен саат үчтөр чамасында качып кеткен.
Шектүүнүн качып кетишине жол берген милиция кызматкерлеринин шалаакылыгына карата кызматтык иликтөө жүрүп жатат.
Өзгөчө белгилери: бою 165-170 см, салмагы 65-70 кг, кара тору, чачы кара түстө, арык чырай.
Кийген кийими: кара көйнөк, шым жана кара бут кийим кийип жүргөн.
Издөөдө жүргөн жаран тууралуу маалыматы бар жарандар 0(312) 352-605, 0(312) 444-457, 0(700) 425-344 телефон номурларына же «102» кызматына билдирсе болот.