Бишкекте тоноочулукка шектелген жашы жете элек өспүрүм кармалды. Бул тууралуу борбор калаанын Ленин райондук ички иштер башкармалыгынан билдиришти.
Маалыматка ылайык, милицияга шаар тургуну кайрылып, 8-март күнү базарлардын биринде бир жигит уулун бычак менен коркутуп, 14 миң 100 сомдук уюлдук телефонун уурдап кетип, изин жашырып кеткенин билдирген.
Аталган факты боюнча КРнын Кылмыш-жаза кодексинин 207-беренеси «Каракчылык» боюнча иш козголду. Укук коргоо кызматкерлери 16 жаштагы шектүүнү таап, кармашкан. Ленин райондук соту анын баш коргоо чарасын үй камагында калтырган. Шектүүнүн башка ушул сыяктуу кылмыштарга катыштыгы бар-жогун тактоодо.