Бишкекте ККМди милдеттүү түрдө орнотууга каршы кезектеги митинг өтүүдө.
Өкмөт үйүнүн алдына 50гө жакын ишкер нааразылык акциясына чыкты. Алар бийликтен кассалык аппараттарды милдеттүү орнотууну жокко чыгарууну талап кылышууда.
Окуя болгон жерде милиция кызматкерлери да жүрүшөт. Алардын бири жакында митингчилер менен министрлер кабинетинин өкүлдөрү жолугуп, алардын суроо-талаптарын кайрадан угарын билдирди.
Митингчилер өлкөнүн ар кайсы аймактарынан келишкен. Эски аянтка башка ишкерлер да келе жатканын айтышууда.
Эске салсак, ККМге каршы митингдер акыркы жарым жылдан бери уланууда.