Кумарканалардын ачылышына каршы «Арамда пайда жок» аттуу тынчтык митинги өтөт. Бул тууралуу уюштуруучулар социалдык тармакка жарыялады.
Маалыматка ылайык, нааразычылык акциясы Максим Горький атындагы паркта, 29-апрелде саат 15:00дө өтөт.
Белгилей кетсек, 21-апрелде Жогорку Кеңештин депутаттары Ысык-Көл облусунда казино ачуу боюнча мыйзам долбоорун биринчи окууда кабыл алышты. Президент Садыр Жапаров «Ысык-Көл облусунун аймагындагы туристтик-оюн-зоок комплексин камтыган адистештирилген административдик район жөнүндө» мыйзам долбоорун колдой турганын билдирген.
