Бишкек шаарында алдамчылыкка шектүү жаран кармалды. Бул тууралуу Октябрь райондук ички иштер бөлүмүнүн басма сөз кызматынан билдиришти.
Маалыматка ылайык, 22-апрелде Октябрь РИИБине банк кызматкери арыз менен кайрылган. Анда 2020-жылдын 2-октябрында 7-кичи районунан коммерциялык банктардын биринен башка жаранга тийиштүү документтерди көрсөтүп 100 миң өлчөмүндө кредит алып, качып кеткенин жазган.
Бул факты 204-берене (алдамчылык) менен катталып, сотко чейинки өндүрүшкө алынган.
Издөө мштеринин жүрүшүндө 1982-жылы туулган жаран кармалып убактылуу кармоо жайына киргизилген. Кармалган жаран уюшкан кылмыштуу топтун мүчөсү катары ИИМде каттоодо турат. Учурда анын дагы башка кылмыш иштерине тийишеси бар жогу аныкталып жатканы кабарланды.