Бишкек шаарындагы Улуттук тарых музейинде “Кыргыз модасына таазим” көргөзмөсү ачылды. Бул тууралуу Маданият, маалымат, спорт жана жаштар саясаты министрлиги маалымдады.
Ага министрдин орун басары Чыңгыз Эсенгул уулу катышып сөз сүйлөдү.
Чынгыз Эсенгул уулу өз сөзүндө ата мекендик дизайнерлерди жана Кыргызстандын мода индустриясын жайылтуу максатын көздөгөн мындай иш-чараны министрлик тиешелүү деңгээлде колдоого ала тургандыгын белгилеп, кыргыздын алгачкы кийимдеринин тарыхый үлгүлөрү, ошондой эле бүгүнкү күнгө чейин мода индустриясынын эволюциясы катары белгилүү болот деген ишенимин билдирди.
Ошондой эле, Чыңгыз Эсенгул уулу Маданият министрлиги Шоурум – “Саркеч үйү” менен өнөктөштүктө уюштурган алгачкы ийгиликтерден экендигин баса белгилеп, жакында эле президент Садыр Жапаров «Креативдүү өнөр жай паркы жөнүндө» мыйзамына кол койгонуна айтып, мындай мүмкүнчүлүк өнөр жай индустриясын гана эмес, ата мекендик дизайнерлердин ишин жана Кыргызстандын саркеч индустриясын өркүндөтүүгө, колдоого шарт түзө тургандыгын белгилеп өттү.
“Саркеч үйү” – 2014-жылы негизделген жана Кыргызстандагы дизайнерлерге өз продукцияларын илгерилетүүгө жана сатууга мүмкүнчүлүк берген уникалдуу аянтча.
Бүгүнкү күндө «Мода үйү» өлкөдөгү биринчи көргөзмө-рум болуп саналат. Анда кийим-кече, аксессуарлар жана зер буюмдардын жергиликтүү дизайнерлеринин автордук буюмдары гана коюлган. Мода үйүнүн аркасында 30дан ашык дизайнерлер жекече тигүү менен гана алектенбестен, үзгүлтүксүз түрдө сезондук жана капсулалык коллекцияларды чыгаруу менен алектенип келет. Шоурумдун негиздөөчүлөрү болуп, Сонун Нурманбетова жана Алтынай Рыскулова, ошондой эле Asylbashev Creative ЖЧКсы болуп саналат.
Иш-чара Маданият, маалымат, спор жана жаштар саясаты министрлиги менен Улуттук тарых музейи тарабынан колдоого алынган.
Бардык жаңылыктар Телеграм каналда