Бишкекте тоноого шектелген жаран кармалды. Бул тууралуу Октябрь райондук милициясынан билдиришти.
Маалыматка караганда, 12-январда Улан-2 кичи районунда белгисиз жаран кыз кишинин 50 миң сомдук iPhone 13 pro телефонун тартып алган. Бул боюнча телефонун тоноткон кыз милицияга кайрылган.
Аталган фактыга байланыштуу Кылмыш-жаза кодексинин 206-беренеси (тоноо) боюнча кылмыш иши козголгон.
Ыкчам-тергөө иштеринин натыйжасында шектүү катары 22 жаштагы Х.М. аттуу жаран кармалып, убактылуу кармоочу жайга камакка алынган.
Милиция шектүүнүн кылмыштуу аракеттеринен жабыркагандар болсо, 0(557) 90 90 27, 0(709) 08 03 10 же 102 номерлеринин бирине кабар берүүсүн суранат.