Чүй облустук ыкчам-тергөө тобу Бишкек шаарындагы Ленин райондук №2 милиция бөлүмүнөн качкан 50 жаштагы Бакыт Турдубековду колго түшүрүштү. Бул тууралуу облустук милициянын басма сөз кызматы билдирет.
Шектүүнүн Аламүдүн районунун аймагындагы жаңы конуштардын биринде жүргөндүгү тууралуу 8-июнга оогон түнү, саат 00:31 чамасында маалымат түшкөн. Ыкчам тергөө топ айтылган дарекке барып, шектүүнү колго түшүрүшкөн.
Учурда кармалган адам Ленин райондук милиция кызматкерлерине өткөрүлүп берилди.
Белгилей кетсек, мурда уурулук менен кармаган Бакыт Турдубеков, 3-июнь күнү милиция бөлүмүнөн качып кеткен.