Бишкек шаарынын Ленин райондук милициясынын кызматкерлери «Чөнтөк уурулукка жол жок!» аттуу түшүндүрүү иш-чараларын өткөрүштү. Бул тууралуу Ленин райондук милициясынын басма сөз кызматы билдирди.
Аталган түшүндүрүү иш-чара коомдук жайларда чөнтөк уурулук фактыларынын көбөйүшүнө байланыштуу 11-августтан 30-сентябрга чейин өткөрүлгөн.
«Ленин райондук милициянын кызматкерлери борбор калаанын жарандарына жана конокторуна негизги коопсуздук эрежелерин сактоону өтүнүп, түшүндүрүү иш-чараларын жүргүзүштү.
Ошондой эле милиция кызматкерлери тарабынан коомдук унаалардын айдоочулары менен дагы түшүндүрүү иштери жүргүзүлдү. Урматтуу борбор калаанын тургундары жана коноктору, сиздерден жеке буюмдарыңызга сак болууну суранабыз», — деп айтылат маалыматта.
Милиция уурулукка күбө болгон же кол салуучунун кылмыштуу аракеттеринен жапа чеккен жарандар болсо, дароо жакынкы милиция бөлүмүнө же 0 (312) 352 947, 0 (502) 102 149 же 102 номерине кабар берүүсүн суранат.
Биздин Телеграм каналга катталыңыз