Бишкек шаардык мэриясына караштуу шаардык көрктөндүрүү көзөмөл инспекциясы тыюу салынган буюмдарды өрттөөгө көзөмөлдү күчөтүүдө. Бул тууралуу мэриядан билдиришти.
Маалыматка караганда, Экология министрлигинин өкүлдөрү менен биргеликте мончо, сауна жана жеке үйлөрдө тыюу салынган буюмдардын күйүп жаткандыгы текшерилди.
Заводский айылынан айланма жол менен өтүү учурунда тигүү калдыктарын өрттөгөн 2 факты аныкталган. №492 жана №458 үйлөрдүн ээлери “Укук бузуулар жөнүндө” кодексинин 115-беренесинин 3-бөлүгү менен жоопкерчиликке тартылат. Ар бири үчүн 7500 сомдон айып салынды.
Ошондой эле, муниципалдык инспекция борбор калааны көрктөндүрүү боюнча эрежелерди бузуунун бардык катталган фактылары боюнча тартип бузгандар күнөөсүн мойнуна алганына же албаганына карабастан, жаза колдонуу жөнүндө протоколдор түзүлөрүн эскертет.
Телеграм каналыбызга каттала кетиңиз