Бишкекте 25 жаштагы жаран жашы жете эле кыз менен жыныстык катнашка барган деп шектелип кармалды. Бул тууралуу Октябрь райондук милициясынан билдиришти.
Маалым болгондой, 20-июлда милицияга кыздын апасы кайрылып, 2009-жылы туулган кызы менен жыныстык катнашка барган А. аттуу жаранга чара көрүүнү суранган.
Аталган факт боюнча Кылмыш-жаза кодексинин 157-беренеси (Он алты жашка толо элек бала менен сексуалдык мүнөздөгү аракеттер) менен кылмыш иши козгогон. Тиешелүү экспертизалар дайындалган.
Шектүү катары 25 жаштагы М.А. аттуу жаран кармалган. Соттун чечими менен ал №1 тергөө абагына камакка алынган.