Бишкекте өз жанын кыюуга аракет кылган жаран куткарылды. Бул тууралуу Өзгөчө кырдаалдар министрлигинен билдиришти.
Окуя бүгүн, 6-августта Бишкектин Абдымомунов көчөсүндө болгон. Эркек киши турак үйдүн 8-кабатынан секирип, өз өмүрүнө кол салмакчы болгон.
Жерине куткаруучулар тартылып, сүйлөшүү жолу менен аны өз жанын кыюудан баш тартууга көндүрүшкөн.
Аталган жаран милиция кызматкерлерине өткөрүлүп берилген.