Бишкекте жеке ишкерди коркутуп соода түйүнүн тартып алууга аракет кылган уюшкан кылмыштуу топтун мүчөлөрү кармалды.
Улуттук коопсуздук мамлекеттик комитетинин маалыматына караганда, алардын кылмыш дүйнөсүндөгү статусу, бириники «Положенец» экинчисиники «Смотрящий».
Шектүүлөр ишкерден акча өндүрүү үчүн шаар четине алып барып коркутуп опузалашкан.
Бул факты боюнча Кылмыш-жаза кодексинин 203-беренеси («Опузалап талап кылуу») боюнча кылмыш иши козголгон. Учурда бул ишке катыштыгы бар башка шектүүлөр изделүүдө.
