Бишкекте таштандыны чыгарууга алынган акыны көтөрүү сунушталууда. Тиешелүү токтом долбоору шаардык кеңештин сайтында жарыяланды.
Документке ылайык, калк үчүн таштандыны чыгаруунун акысы бир адам үчүн 41 сом деп белгилөө каралган.
Чарба субъекттери үчүн (менчик түрүнө карабай) 1 куб метр таштандыга 361 сом же 1 тоннага 2 миң 430 сом деп каралган.
Ошондой эле таштандыны өздөрү чыгарган чарба субъекттери үчүн (менчик түрүнө карабай) калдыктарды көмүү акысын 1 тоннасына 445 сом деп белгилөө сунушталууда.
Эскерте кетсек, учурда калк үчүн таштандыны чыгаруунун акысы бир киши үчүн 22,5 сомду түзөт.
Биздин Телеграм каналга катталыңыз