Бишкекте алдамчылыкка шектелген жаран кармалды. Бул тууралуу Ленин райондук милициядан билдиришти.
Белгилүү болгондой, 28-мартта милицияга шаар тургуну кайрылган. Ал арызында билдиргендей, быйыл февралда Б.А. аттуу жаран Россиядан 6 унаа алып келем берем деп 45 миң доллар алып, алдап кеткен.
Бул фактыга байланыштуу Кылмыш-жаза кодексинин 209-беренесине (алдамчылык) ылайык кылмыш иши козголгон.
Ыкчам-издөө иштеринин жүрүшүндө шектүү катары 44 жаштагы Б.А. аттуу жаран кармалып, убактылуу кармоочу жайга камакка алынган.
Учурда тергөө иштери уланууда.