Бишкекте алдамчылыкка шектелген жаран кармалды. Бул тууралуу Свердлов райондук милициясынан билдиришти.
Маалым болгондой, 8-сентябрда милицияга шаар тургуну кайрылган. Ал арызында билдиргендей, быйыл июлда шаардагы базарлардын биринде С. аттуу чала тааныш жигит кирешесин көбөйтүп берем деп 42 миң доллар алып, ошону менен жок болуп кеткен.
Аталган факт боюнча «алдамчылык» беренеси менен кылмыш иши козголгон.
Иликтөө иштеринин натыйжасында шектүү катары 25 жаштагы Б.С. аттуу жаран кармалган.