Бишкекте уурулукка шектүү кармалды. Бул тууралуу Октябрь райондук милициясынан билдиришти.
Маалым болгондой, 9-декабрда белгисиз адамдар 6-кичирайондогу үйгө кирип, 130 миң доллар салынган сейфти уурдап кеткен. Үй ээси милицияга арыз жазган.
Аталган факт боюнча «уурулук» беренеси менен кылмыш иши козголгон.
Иликтөө иштеринин жүрүшүндө шектүү катары 35 жаштагы жаран (К.У.) кармалган. Милиция шектүүдөн 74 миң 400 доллар табылып алынганын билдирди.
Учурда тергөө иштери уланууда.
Ошондой эле шектүүнүн ушул сыяктуу кылмыш фактыларына катыштыгы текшерилүүдө.
Шектүү
Милиция шектүүнүн кылмыштуу аракеттеринен жабыркаган же кандайдыр бир маалыматы бар жарандар болсо, 0(508) 01-90-01, 0(703) 33-32-01 же 102 кабар берүүсүн суранат.