Бишкекте алдамчылыкка шектүү аял кармалды. Бул тууралуу Ленин райондук милициясынын басма сөз кызматы билдирди.
Маалыматка караганда, 5-октябрда милицияга А.Б. аттуу аял киши кайрылган. Ал арызында билдиргендей, быйыл 14-мартта Бейшеналиева көчөсүндөгү авиакассанын кызматкерлери ага Бишкек – Эдинбург каттамы боюнча эки багытка (барып-келүү) 69,6 миң сомго билет сатып, бирок Эдинбургдан Бишкекке келүү үчүн билет жокко чыгарылган. Ага байланыштуу ал 46,8 миң сомго жаңы билет сатып алган.
Аталган фактыга байланыштуу Кылмыш-жаза кодексинин 209-беренеси (алдамчылык) боюнча кылмыш иши козголгон.
Ыкчам-тергөө иштеринин натыйжасында шектүү катары 36 жаштагы М.Д. аттуу аял кармалган.
Райондук соттун чечими менен ал 25-октябрга чейин №1 тергөө абагына камакка алынган.
Милициядан билдиришкендей, учурда аталган шектүүнүн ушул сыяктуу дагы 6 алдамчылык фактысына катыштыгы бар экени аныкталган.
Азыркы тапта иликтөө иштеруу уланууда.
Биздин Телеграм каналга катталыңыз