Бишкекте унаа айдап качууга шектелген кармалды. Бул тууралуу Ленин райондук милициясынан билдиришти.
Маалыматка караганда, 13-апрелге караган түнү шаар тургунунун Volkswagen Golf унаасын белгисиз адам уурдап кеткен. Бул боюнча унаанын ээси милицияга арыз жазган.
Аталган фактыга байланыштуу Кылмыш-жаза кодексинин 211-беренеси (унаа каражатын айдап качуу) боюнча кылмыш иши козголгон.
Бул ишке шектүү катары 30 жаштагы А.А. аттуу жаран кармалды. Райондук соттун чечими менен ал №1 тергөө абагына камакка алынды.
Учурда иликтөө иштери уланууда.