Бишкекте уурулукка шектелип 4 киши кармалды. Бул тууралуу Октябрь райондук милициясынан билдиришти.
Милициянын маалыматы боюнча, 29-январда Бишкектеги Анкара көчөсүндөгү университетке белгисиз адамдар келип, акча салынган сейфти бузуп, 50 миң доллар уурдап кетишкен.
Аталган факт боюнча «уурулук» беренеси менен кылмыш иши козголгон.
Иликтөө иштеринин натыйжасында шектүү катары 32 жаштагы А.Э., 30 жаштагы И.К., 39 жаштагы К.А. жана 44 жаштагы М.Б. кармалган.
Милиция кармалгандардын Ысык-Көлдөгү уурулук фактыларына катыштыгы бар экени аныкталганын, алардын кылмыштуу аракеттеринен жабыркагандар болсо, 0508 01-90-01, 0703 33-32-01, 0312 54-41-16 же 102 номерине кабар берүүсүн суранат.