Бишкекте курулуш вагонунан өрт чыгып, бир адам каза болду. Бул тууралуу Өзгөчө кырдаалдар министрлигинин (ӨКМ) басма сөз кызматынан билдиришти.
Маалыматка ылайык, бүгүн, 19-январда таңга маал Бишкек шаарындагы “Ак-Жол” автобазасында аянты 160 чарчы метр курулуш вагону жана “VOLVO” үлгүсүндөгү автоунаанын прицеби өрттөнүп кеткен. Анын кесепетинен 1 киши каза болгон.
ӨКМнын куткаруучулары маркумдун жансыз денесин алып чыгып, милиция кызматкерлерине өткөрүп берген.
Учурда өрттүн себеби такталууда.