Бишкек шаарында 24-сентябрда жарым марафон старт алат. Бул тууралуу мэриядан билдиришти.
Маалыматка караганда, ага ар кайсы өлкөлөрдөн кесипкөй спортчулар жана жөө күлүктөр катышат. Алар: 21 км 97 м, 10000 м, 3000 м, скандинавтык басуу: 10000 м жана 3000 м аралыктарга катышат. Жарыштын катышуучулары ошол эле жерде марага чыгышат.
Жарыш саат 8:00дө «Газпром» спорттук-эс алуу комплексинен Жайыл-Баатыр №66 көчөсүнө чейин болот.
Жарым марафондун уюштуруучулары: Бишкек шаарынын мэриясы, Жеңил атлетика федерациясы, «Эл аралык марафондун дирекциясы» коомдук бирикмеси жана Бишкек шаарынын мэриясынын дене тарбия жана спорт, туризм жана жаштар иштери боюнча башкармалыгы.
Биздин Телеграм каналга катталыңыз