Бишкекте жасалма номур менен жүргөн Chevrolet үлгүсүндөгү унаа кармалды. Бул тууралуу Милициянын кайгуул кызматынан билдиришти.
Маалыматка ылайык, 12-мартта саат 22:40 чамасында Чүй жана 7-апрель көчөлөрүнүн кесилишинде Chevrolet үлгүсүндөгү автоунааны жол эрежесин бузгандыгы үчүн токтотушкан.
Кызматкерлер автоунаанын керектүү документтерин текшерүү учурунда 1994-жылы туулган Ж.М. аттуу айдоочу өзүнүн унаасынын мамлекеттик номурун жасалма номурга алмаштырып айдап жүргөндүгү аныкталган.
Унаа айып короого токтотулуп, айдоочуну Сверлов райондук ИИБнын Тергөө кызматына өткөрүп беришкен.
