Бишкекте жашы жете элек тургунду уурдоого шектүү адамдар кармалды. Бул тууралуу Милициянын кайгуул кызматынан билдиришти.
Маалыматка ылайык, 3-майда болжол менен саат 16:40 чамасында Бишкек ШИИББнин “102” кызматына Бишкек шаарынын Көлбаев көчөсүнөн жаш баланы уурдап кетишти деген маалымат келип түшкөн.
Милиция чакыруу түшкөн жерге барганда, 2004-жылы туулган У.Ж. аттуу адамга болжол менен жашы 20-25 курактага белгисиз балдар күч колдонуп, унаага салып кетишкендиги аныкталган.
Ыкчам издөө иш-чараларын алкагында шектүү катары 30 жаштагы С.И., 24 жаштагы У.К. жана 29 жаштагы А.Н. аттуу адамдар кармалып, Свердлов райондук ИИБнын Тергөө кызматына өткөрүлүп берилген.
Бул факты 170-берененин (Киши уурдоо) негизинде сотко чейинки өндүрүшкө алынган.
