Бишкекте күйөөсүн өлтүрүүгө шектелген аял кармалды. Бул тууралуу 26-сентябрда Патрулдук милициянын басма сөз кызматы билдирди.
Маалыматка караганда, кылмыш 25-сентябрга караган түнү 11 кичи районунда катталган. Таңкы саат беш жарымдар чамасында укук коргоо органдарына окуя тууралуу чакыруу түшкөн. Көкүрөк тушуна бычак сайылган 1981-жылы туулган Р.Р. аттуу жарандын денеси табылган.
Шаардык милициянын кайгуул-күзөт бөлүмүнүн инспекторлору тарабынан кылмышка шектүү 1983-жылы туулган Б.Н. кармалган. Ал маркумдун жубайы болгон. Милиция кызматкерлеринин айтымында, жубайлардын ортосунда чыр чыгып, анын кесепетинен каргашалуу окуя болгон. Аял милиция бөлүмүнө жеткирилген.
Биздин Телеграм каналга катталыңыз