Бишкекте телефон уурдоого шектелген жаран кармалды. Бул тууралуу Ленин райондук милициясынан билдиришти.
Маалым болгондой, 6-апрелде Бишкектеги дарыканалардын биринен белгисиз жаран аял кишинин 100 миң сомдук iPhone 14 телефонун уурдап алган.
Аталган фактыга байланыштуу Кылмыш-жаза кодексинин 205-беренесине (уурдоо) ылайык кылмыш иши козголгон.
Милиция бул ишке шектүү катары 37 жаштагы Н.А. аттуу жаранды кармады.
Учурда иликтөө иштери уланууда.
Милиция шектүүнүн кылмыштуу аракеттеринен жабыркагандар болсо, 0(704) 434 666 же 102 номерине кабар берүүсүн суранат.