Бишкектеги Жаш Гвардия бульвары менен Пушкин көчөлөрүнүн кесилишиндеги ресторандан чыккан өрттөн 4 киши түтүнгө ууланган. ϴзгөчө кырдаалдар министрлигинен билдиргендей, алардын үчөө ооруканага жеткирилген.
“Бир адам ооруканадан баш тарткан, 35, 33 жана 29 жаштагы 3 адам №4 шаардык ооруканага жеткирилген. Абалдары туруктуу”, — деп жазылат маалыматта.
Белгилей кетсек, жогоруда айтылган даректе 17-июль саат 16:21де өрт чыккан. Өрттүн кесепетинен ресторан, суулук салон жана дүкөн күйгөн. Тилсиз жоо менен күрөшүү үчүн өрт өчүрүүчү 5 бөлүм тартылган.