Бишкекте уурулукка шектүү кармалды. Бул тууралуу Ленин райондук милициядан билдиришти.
Маалым болгондой, 2023-жылы 23-июнда милицияга шаар тургуну кайрылган. Ал билдиргендей, Репин көчөсүндөгү жер тамына уурулар кирип, баасы 50 миң сом зер буюмдарды уурдап кеткен.
Аталган факт боюнча Кылмыш-жаза кодексинин 205-беренесине (уурдоо) ылайык кылмыш иши козголгон.
Ыкчам-издөө иштеринин натыйжасында быйыл 15-февралда шектүү катары 28 жаштагы З.Ш. аттуу жаран кармалган. Ал убактылуу кармоочу жайга камакка алынды.
Учурда иликтөө иштери уланууда.