Бишкектин Калык Акиев жана Москва көчөлөрүнүн кесилишиндеги жол кырсыгынан 10 адам жаракат алды.
Патрулдук милициянын басма сөз кызматы билдиргендей, кырсык 23-февраль күнү саат 08:10 чамасында болгон.
Анда “Мазда Демио” унаа менен “Мерседес-Бенц спринтер” унаасы менен кагылышкан.
Жабыркаган он адамдын бешөө Улуттук госпиталга, бешөө Бишкектеги Травматология жана ортопедия илим изилдөө борборуна жеткирилген. Унаалар айып токтотмого жеткирилип, тергөө иштери башталган.
Күбөлөрдүн айтымына караганда жабыркаган кичи автобус №222 маршруттук каттамдагы жүргүнчү ташыган унаа болгон.