Бишкек шаарынын Иса Ахунбаев жана 7-Апрель көчөлөрүнүн кесилишинде “DАF” үлгүсүндө оор жүк ташуучу унаа, “Honda Fit” жана “Mercedes-Benz Sprinter” жүргүнчү ташуучу унаалардын катышуусунда жол кырсыгы катталды. Бул тууралуу Өзгөчө кырдаалдар министрлиги билдирди.
Маалыматка караганда, кырсыктын кесепетинен 11 киши (3 эркек, 8 аял) аркандай жаракат алышкан. Аты-жөндөрү такталууда. Жерине 6 куткаруучу тартылып Honda Fit үлгүсүндө кыпчылып калган аялды унаадан чыгарып, калгандарына алгачкы жардам көрсөтүп, тез жардам кызматына өткөрүп беришкен.