Бишкекте түнкү клубдун жанында ок атылып, окуя боюнча милицияга 5 адам жеткирилди. Бул тууралуу Reporter.kg’ге Биринчи май райондук милициясынан билдиришти.
Маалым болгондой, 7-августта болжол менен саат 04:00до «102» кызматына Чүй менен Исанов көчөлөрүнүн кесилишинде белгисиз адамдар ок атып жатканы тууралуу маалымат түшкөн.
Окуя жерине ыкчам-тергөө тобу барган. Ок атуу фактысына байланыштуу милицияга 28 жаштагы А.Р, С.А., 35 жаштагы Т.Ф., 40 жаштагы И.А. жана 38 жаштагы А.А. аттуу жарандар жеткирилген.
Милициядан белгилешкендей, учурда окуяга катышкандардын иш-аракетине юридикалык баа берүү үчүн керектүү тергөө иштери жүргүзүлүүдө.
Биздин Телеграм каналга катталыңыз