Бишкекте милиция кызматкерлери мектептерде бүтүрүү кечелерине байланыштуу коопсуздук чараларын күчөтүштү. Бул тууралуу Кайгуул милициясынын басма сөз кызматы кабарлады.
Өспүрүмдөр арасындагы кырсыктардын жана кылмыштуулуктун алдын алуу максатында инспекторлор күчөтүлгөн режимде нөөмөттө турушат. Мындан тышкары мектепти аяктагандан кийин бүтүрүүчүлөрдүн ата-энесинин кабары жок шаардан чыгып кетүүсүнө жол бербөө максатында борбордон чыгып баратканда жолдорго посттор орнотулат.
Инспекторлор бүтүрүүчүлөр отурган унааларды текшерет.
Кайгуул милициясы ата-энелерден балдарын тыкыр көзөмөлдөп турууга чакырды.
Учурда Бишкекте 11-класстын бүтүрүүчүлөрүнүн аттестат алуу аземи өтүп жатат.