Бишкек шаарындагы Жаштар аллеясынын аймагына унаалар токтотулган. Бул тууралуу Reporter.kg′ге окурман билдирди.
Анын айтымында, Кыргыз улуттук университети менен мэриянын ортосунда жайгашкан Жаштар аллеясынын аймагына айдоочулар унааларын токтотуп жатышат. Алар Бизнес борборунун имаратына таандык унаалар.
«Буга чейин унаалар токтоп турган жерге чейин бордюрлар орнотулгандыктан, унаалар кире алчу эмес. Алар алынгандан кийин айдоочулар аллеянын аймагына чейин кирип жатышат”, — деди ал.
Белгилей кетсек, КРнын Бузуулар жөнүндөгү кодексине ылайык, унааны туура эмес жерге токтоткон айдоочуларга айып пул салынат.