Блогер Улукбек Карыбек уулу милициянын сурагынан чыкты. Бул тууралуу ал Фейсбуктагы баракчасындагы түз эфирде билдирди.
Анын айтымында, ал Ысык-Ата райондук милициясынын тергөөчүлөрү тарабынан 4 жарым саат суракка алынган.
“4 жарым саат сурак берип чыктым. Тергөөнүн купуялуулуктары боюнча тил катка кол коюп бердим. Ошондуктан барын ачык айтууга болбойт. Тергөөчүлөр тарабынан эч кандай басым, кысым болгон жок. Ысык-Ата районундагы Тажикстандан келген кайрылмандардын жагдайлары боюнча берүү чыгаргам. Ошонун үстүнөн Венера Шаршеева тарабынан арыз түшүптүр. Негизинен качкындар жөнүндө маселе жана эл аралык мыйзам дагы орчундуу экен”, — деди Карыбек уулу.
Буга чейин өзү милицияга суракка чакырылганын билдирген болчу.
Биздин Телеграм каналга катталыңыз