Мухаммедкалый Абылгазиевдин басма сөз катчысы Адилет Султаналиев өкмөт башчынын дипломду кантип алгандыгы тууралуу билдирүү жазган интернет колдонуучусуна жооп берди.
Басма сөз катчынын айтымында, Абылгизиев 1997-жылы Кыргызстан Эл аралык университетинин бизнес жана экономика факультетинде магистр даражасын аяктаган.
Султаналиевдин белгилешинче, 1997-жылы эле Кыргызстандын билим берүү тармагына Болон сиситемасы киргизилген.
Бирок Абылгазиев окууну аяктаган Эл аралык университеттин сайтындагы маалыматта, аталган окуу жай 2020-жылы Болон системасына өткөндүгү жазылган.
Буга чейин Айбек Хакимов аттуу “Фейсбук” колдонуучусу Кыргызстан Эл аралык университетинин 1997-жылкы бүтүрүүчүлөрүнүн арасында премьер-министр Мухаммедкалый Абылгазиев жок болгондугун жазып чыккан.
Өкмөт башчы Мухаммедкалый Абылгазиевдин өмүр баянында 1997-жылы Кыргызстандын Эл аралык университетинин экономика жана бизнес факультетин аяктагандыгы көрсөтүлгөн.