Боом капчыгайында 5-апрелден 9-апрелге чейин көчкү коркунучун жараткан таштарды атайылап түшүрүү иштери жүргүзүлөт. Бул тууралуу “Кыргыз темир жолу” ишканасынан билдиришти.
Маалыматка ылайык, Бишкек-Нарын-Торугарт унаа жолунун 117-118-чакырымдарында жана темир жол өткөн 3885-3886-чакырымдарда кооптуу таштарды түшүрүү иштери жүргүзүлөт.
Мындан улам жолдор саат 09:00дөн 15:00гө чейин жабык болот.
Мамлекеттик ишкана жарандарга автоунаа менен барчу жолду алдын ала пландаштырууну сунуштайт.
