Улуу Британиянын министрлер кабинетинин бир тобу премьер-министр Борис Жонсонду кызматтан кетүүгө чакырды. Жонсон макул болду. Бул тууралуу The Guardian басылмасы жазды.
Ал жаңы лидери дайындалмайынча премьер-министрлик кызматта кала турган шартта гана кызматтан кетүүгө макул болгон.
The Guardia гезитинин жазганына караганда, буга чейин 32 британ чиновниги кызматын таштап кеткен, эгер аларга ишеним көрсөтүүдө Жонсонго каршы добуш берген 148 депутатты кошсоңуз, ал өз партиясынын жарымынан көбүнүн колдоосунан ажырап калганы белгилүү болду.
Кечээ, 6-июлда Британиянын алты министри дароо отставкага кетип, премьер-министр Борис Жонсонду да кызматынан кетүүнү суранышты.
Кызматтан бошотуу толкуну өткөн аптада Консервативдик партиянын депутаты Крис Пинчер менен жаңжал чыккандан кийин башталган.
Пинчер Пиккадиллидеги консерваторлордун «Карлтон» элиталык Лондон клубунда мас абалында мушташ уюштуруп, эки кишини зордуктаган. Белгиленгендей, Жонсон Пинчерди дайындоодо аткаминерге карата куугунтукка шектелип жатканын билген, бирок аны парламенттик фракциянын координаторунун орун басары кызматына дайындаган. Премьер-министр буга чейин Пинчердин дайындалышы үчүн кечирим сураган.