Бишкектеги Ботаникалык бакта аял кишини сөккөн адам изделүүдө. Бул тууралуу Октябрь райоондук милициясынан билдиришти.
Белгилүү болгондой, 25-майда соцтармактарга видео тарап, андан славян түспөлүндөгү эркек киши видеонун авторун (аял кишини) богооздонуп, сөгүп жатканын көрүүгө болот. Окуя Бишкектин Ахунбаев көчөсүндөгү Ботаникалык бакта болгон.
Бул факт каттоого алынып, териштирүү иштери башталган.
«Учурда видеого тиешеси бар бардык адамдарды аныктоо иштери жүрүүдө. Иликтөө иштери уланууда», — деп билдиришти милициядан.
Биздин Телеграм каналга катталыңыз