Кыргызстанда референдум өттү деп эсептелет. Бул тууралуу 11-апрелде брифинг учурунда БШКнын төрайымы Нуржан Шайлдабекова билдирди.
Анын айтымында, маалымат 92% шайлоо тилкелеринен келип түшкөн.
Жалпысынан тизмеде 3 миллион 606 миң 225 катышуучу болгон.
Жалпысынан алынган маалыматтардын негизинде 1 миллион 294 миң 776 жаран же 35,9% добуш берүүгө катышкан.
Референдумга коюлган суроого 1 миллион 26 миң 917 шайлоочу же 79,31% «макул», 176 миң 701 адам же 13,65% «каршы» добуш берди.