Кыргызстандын грек-рим балбаны Акжол Махмудов Германиянын клубдук чемпионаты Бундеслигада төртүнчү жеңишине жетишти.
Бул чемпионатта Махмудов Германиянын «Шорндорф» клубунун катарында 80 кг салмакта күрөшүүдө.
Анын командасы 17-ноябрда Red Devils Heilbronn клубу менен кез келип, аларды 27:7 эсебинде жеңди.
Бул таймашта Махмудов германиялык Адам Юрецко менен күч сынашып, каршылашын 10:0 эсеби менен утту.
Акжол Махмудов «Шорндорфтун» катарында күрөшө баштагандан бери Бундеслигада 5 беттеш өткөрдү. Анын төртөөндө жеңишке жетип, бирөөндө жеңилди.