Жайыл районунда ден соолукка оор залал келтирген деген шек менен жаран кармалды. Бул тууралуу облустук ички иштер башкы башкармалыгынын басма сөз кызматы билдирди.
2022-жылдын 7-апрелинде Жайыл РИИБнин нөөмөт бөлүмүнө аймактык ооруканадан бычактан жаракат алган жаран түшкөндүгү тууралуу билдирүү түшкөн. Алынган маалымат боюнча, тергөө-ыкчам тобу дароо чыгып кетишкен.
Милиция кызматкерлери келгенде, ал адамдын өздүгү такталып, ал 1992-жылы туулган А.А. экени аныкталды.
Аталган факты КР Кылмыш-жаза кодексинин 130-беренеси (ден соолукка оор залал келтирүү) боюнча электрондук журналга катталды.
Жүргүзүлгөн ыкчам-иликтөө иш-чараларынын жүрүшүндө милиция кызматкерлери тарабынан бул кылмышка шектүү делинип, 1987-жылы туулган С.Д. кармалган.
Тергөөнүн алдын ала версиясы боюнча кылмышка толугу менен эркектердин ортосундагы чыр-чатак себеп болгон.
Учурда бардык керектүү экспертизалар дайындалды.
Шектүү Жайыл районунун ички иштер бөлүмүнүн убактылуу кармоочу жайына киргизилген.
Сотко чейинки териштирүүлөр уланууда.