Бүгүн Бишкектин айрым райондорунда таза суу саат 22.00гө чейин өчүрүлдү. Бул тууралуу “Бишкексууканал” ишканасынын өндүрүштүк-эксплуатациялык башкармалыгынан билдиришти.
Башкармалыктын маалыматына караганда, 21-апрелде саат 9:00дөн 22:00гө чейин борбор калаанын айрым райондоруна таза суу берүү чектелди.
Төмөнкү аймактарда суу болбойт:
Ала-Арча, темир жол линиясы, Жибек Жолу проспектиси, Жаш Гвардия бульвары;
Жаш Гвардия, темир жол линиясы, Фрунзе көчөсү жана Манас проспектиси;
Дэн Сяопин проспектиси, Ала-Арча дарыясы, Бөкөнбаев, Кулиев, Москва, Фучик, Казаков көчөлөрүндө суу жок болот.
Өчүрүү суу түтүктөрүнө оңдоо иштерине байланыштуу болуп жатат.