Бүгүн, 20-июлда Чолпон-Ата шаарында Кыргызстандын тышкы иштер министри Жээнбек Кулубаевдин төрагалыгы алдында Борбор Азия мамлекеттеринин тышкы иштер министрлеринин жыйыны өтөт. Бул тууралуу ТИМден билдиришти.
Иш-чарага Казакстандын, Тажикстандын, Түркмөнстандын, Өзбекстандын тышкы иштер министрлерди жана башкалардын катышуусу пландалууда.
Жыйында тышкы иштер органдарынын жетекчилери 21-июлга белгиленген Чолпон-Ата шаарында өтүүчү Борбордук Азия мамлекеттеринин башчыларынын 4-консультативдик жолугушуусуна даярдыктын жүрүшүн талкуулашат, ошондой эле анын күн тартибин жана жыйынтыктоочу документтердин долбоорлорун карашат.