Бишкекте бүгүн, 22-майдан тарта ысык суу бир айга өчүрүлөт.
Мэриядан билдиришкендей, ысык суу 22-июнга чейин өчүрүлөт. Тиешелүү буйрукка мэр Эмилбек Абдыкадыров кол койгон.
«Ысык сууну өчүрүү жылда өткөрүлүүчү профилактикалык иштерге байланыштуу жана жылуулук түйүндөрүн жылуулук мезгилине карата даярдоо максатында болууда», — деп билдирет мэрия.
Мэрия шаар тургандарынан ыңгайсыздыктар үчүн кечирип сурап, ысык суунун өчүрүлүшүнө түшүнүү менен мамиле кылууну суранат.
Биздин Телеграм каналга катталыңыз