Былтыр жылытуу мезгилинде өлкөнүн электр энергиясына болгон керектөөсү 15,9 млрд кВтс түзсө, быйыл ал 16,6 млрд кВтс түзөөрү күтүлүдө. Ортодогу тартыштык, 1,9 млрд кВтс болушу мүмкүн. Бул тууралуу өкмөттүн басма сөз кызматы Министрлер кабинетинин төрагасынын орун басары Бакыт Төрөбаевга шилтеме берүү менен билдирди.
“Көмөкчордондордун электр жабдуулары ашыкча жүктөө менен иштеп жаткандыгына байланыштуу электр энергиясын керектөөчүлөрүн керектөө режимдерин сактоого жана рационалдуу пайдаланууга чакырам”, — деди Министрлер кабинетинин төрагасынын орун басары.
Бүгүнкү күнгө карата Токтогул суу сактагычындагы суунун көлөмү 10,6 млрд кубометрди түзөт.
“Акыркы күндөрү өлкөдө температуранын төмөндөшү менен электр энергиясын керектөөнүн эң рекорддук мааниси белгиленди, ал 76 млн кВтс түздү. Электр энергиясын керектөөнүн көбөйүшү менен бирге Токтогул суу сактагычында эң жогорку деңгээлде суу чыгымдалды”, — деп кошумчалады Төрөбаев.
Биздин Телеграм каналга катталыңыз