Быйыл 5 айда жол эрежесин бузган айдоочулардан мамлекеттик бюджетке 224 млн 127 миң 865 сом өндүрүлдү. Бул тууралуу Жол кыймылынын коопсуздугун камсыздоо башкы башкармалыгы билдирди.
Белгилүү болгондой, быйыл 5 айда өлкө аймагында 464 миң 976 жол эреже бузуу катталган. Анын ичинен:
- мас абалында унаа башкаруу — 6 миң 148;
- автоээнбаштык — 181;
- тийиштүү документтери жок унаа башкаргандар — 5 миң 200;
- жөө адамдардын катышуусундагы эреже бузуулар — 25 миң 425;
- унаанын айнектерин уруксатсыз караңгылаткандар — 1 миң 433;
- жол белгилерине баш ийбөө — 234 миң 749;
- ылдамдыкты ашырып айдоо — 79 миң 748;
- башка жол эреже бузуулары — 118 миң 92.
Ошондой эле 40 миң 745 унаа айып короосуна токтотулган.