Быйыл 7 айда кумар оюндарынан өлкө бюджетине 136 млн 888,7 миң сом салык түштү. Бул тууралуу Каржы министрлигинин маалыматыена таянып «Акчабар» жазды.
Салыктын көбү, 129 млн 92,2 миң сом кумарканалардан (казино) түшкөн. Ошондой эле букмекердик жайлар бюджетке 7 млн сом төккөн.
Калган акча оюн автоматтарынан жана виртуалдык кумарканалардан түшкөн салык болуп саналат. Виртуалдык кумарканалардан 1,5 миң сом гана чогултулган.
Белгилей кетсек, былтыр 7 айда кумарканалардан 32 млн 550 миң сом жана букмекердик жайлардан 1 млн 50 миң сом салык жыйналган.